ÃRỊNGÃ KÎ

Ãrị̃ngã ꞌbã kãlãfe ꞌbálãŋá ílí 2002 drị̂ iꞌda ĩꞌdi 250,000 drị̃lẹ́gá. ꞌDĩkí Ãrị̃ngã uꞌálépi Yụ̃mbẹ̃ District gá rĩkî. Ãrị̃ngã ꞌbã kãlãfe ãnirú sĩlé ꞌdĩapí rĩkí úꞌá Kọ́ꞌbọ́kọ District gá.

Tị Ãrị̃ngã ꞌbadrị̂ ãfũ tị ãmbọ́gọ́ umvelé Mãꞌdí- Mórú rĩagá. ꞌBá tị ꞌdĩ jọlépi rĩkí ãfũkí Sũdánĩ gâlé. ꞌBá tị ĩꞌbadrị̂ ꞌbã ãzí kí sĩ ru ajíjó Ãrị̃ngã be rárĩ kí Mãꞌdí, Kãlị̃kọ́, Mụ̃rụ́, Lọ́lụ́ꞌbá, Lúgbãrã ãzíla Námgbárá. Kí ãndála Sũdánĩ gâléru.

GBÍYÃ ÃRỊ̃NGÃ ꞌBADRỊ̂

Ãrị̃ngã lẽkí ꞌbá ambamba, kí ãko fẽ ꞌbá ị́jọ́ ꞌbã ị́sụ́lẹ́ rĩní mbẽlẽ-mbẽlẽ. Ãrĩngã lẽkí Dị́nĩ rá. Awakídósĩru ãndála Dị́nị̃ Ĩsĩlámũ, Ĩngẽrézã ãzíla Kãtụ́lị́kã ꞌdĩkí agá.

Wó ãndâlakí ꞌdósĩ Ĩsĩlámũ.

Ãrị̃ngã kí ãzị́nga ãvẽvĩsĩ ị̃ndụ̃la nzõkí ãꞌdị́gá ku, kívâ dora gbẹ áváŋâkóru, dekídósĩ ãnãkpá ĩꞌbadrí áséagárĩkí rá. Ãrị̃ngã kí ị́jọ́ ũkpórĩtị̂ tará, ílétélagâsĩ kívâ ãzị́ngará. Lẽkíru uꞌáŋá ãngũ ãlugá rĩsĩ amba-mba. Ị́jọ́ drĩ ími isụ́nĩ, kíímĩpa mbẽlẽ.

ÃZỊ́ ĨꞌBÃKÍ NGALÉ SĨ RUTỊ NAJÓRĨKÍ

Ãrị̃ngã ꞌbã ãndálakí ámvụ́sõ drị́sĩ, ĩndrị́, tị́, ã'ụ́ ꞌdĩkí tãmba ị́jọ́ lị́cọ́agá rĩkí ãzãkojó. Ãzị́ꞌdĩkí ngalédrị́sĩ rĩkî úmgbọ́ lakídósĩ were. Lẽmẽrĩ índrédósĩ ꞌbákí ụrụꞌbágá cé.

Ãrị̃ngã ꞌbã were kí ãzị́nga Gãmétẽgá ụ́fĩsĩ gá. Ãrị̃ngã ãzírĩkí tũjárĩ ídé, kí ãnáfúrá, kaíkó ꞌdĩkí uzị sĩtúã gá, sụ̂agá.

Send us your comments or questions

Would you like to share what this Scripture taught you today?

Your encouragement is valuable to us

Your stories help make websites like this possible.